Colombo Today Local News

කැකිරාවේ ව්‍යාපාරිකයන් දෙවියන් යදින්නේ වෙනම තැනක… සැකකටයුතු ලියවිල අත්අඩංගුවට…

කැකිරාව නගරයේ පිහිටි අනුරාධපුර දිස්ත‍්‍රික් පාර්ලිමේන්තු මන්ත‍්‍රීවරයකුගේ කාර්යාලයක් අසළ මුස්ලිම් ජාතිකයින් පිරිසක් ඇදහිම් කටයුතු සඳහා කලක පටන් භාවිතා කළ බව කියන ස්ථානයක තිබී සැකකටයුතු ලේඛන හා පොත් පත් කිහිපයක් හා සැකකරුවකු අද (03) යුද හමුදාව අත්අඩංගුවට ගෙන තිබේ.

මෙලෙස ආරක්ෂක අංශ අත්අඩංගුවට ගෙන ඇත්තේ කැකිරාව තවුහිද් ජමාත් සංවිධානයක ලේකම්වරයා ලෙස කටයුතු කළ කැකිරාව නගරයේ ව්‍යාපාරිකයෙකි.

නගරයේ ව්‍යාපාරිකයින් ඇතුලූ පිරිසට ඇදහීම් කටයුතු සඳහා කැකිරාව නගරයේ ඉස්ලාම් පල්ලියක් ඇතැත් නගරයේ ධනවත් ව්‍යාපාරිකයින් අතලොස්සක් සැකකටයුතු ලෙස වෙනම ස්ථානයක සිය ආගම ඇඳහීම සඳහා භාවිතා කරන බවට යුද හමුදාවට ලද තොරතුරක් මත අදාල ස්ථානය සෝදිසියට ලක් කිරීමට යුද හමුදාව පියවර ගත්තේය.

ඒ අනුව සිදුකළ සෝදිසි මෙහෙයුමේදී එම ස්ථානයේ තිබූ සැකකටයුතු  ලිපි ලේඛන කිහිපයක් හා එම ස්ථානයේ පවත්වාගෙන යන්නට ඇතැයි අනුමාන කෙරෙන යම් සංවිධානයක සාමාජිකයින්ගේ බවට සැක කෙරෙන නාම ලේඛනයක් ද යුද හමුදා භාරයට ගෙන ඇත.

යුද හමුදාව විසින් සොයාගෙන තිබූ එම ඇතැම් ලිපි ලේඛන වල කැකිරාව තවුහීද් ජමාත් යනුවෙන් සඳහන් නිල මුද්‍රාවක් ද යොදා තිබිණ.

මෙම සංවිධානය හා ජාතික තවුහීද් ජමාත් සංවිධානය අතර ඇති සබධතාවය කෙබඳු දැයි යන්න සොයා බැලීම සඳහා මේ වනවිට විමර්ශන ආරම්භකර තිබේ.

සැකකටයුතු එම ලිපි ලේඛන හමුවූ සැකකටයුතු ස්ථානය පවත්වාගෙන ගිය එම ගොඩනැගිල්ල ද ප‍්‍රදේශයේ දේශපාලන පවුලක් සතු එකක් බවද ආරක්ෂක අංශ පවසයි.

අත්අඩංගුවට පත් සැකකරු හා සැකකටයුතු ලිපි ලේඛන ඉදිරි කටයුතු සඳහා කැකිරාව පොලිස් ස්ථානය වෙත භාරදීමට යුද හමුදාව පියවර ගෙන තිබේ.

Related posts

සංහිඳියාවේ නාමයෙන් යටපත් කරවන්න හදන වීරත්වය, ඉහළින් ඔසවා තබා සෙන්පති කමල් හමුදාවට සමුදෙයි !

colombotoday

ඇමති අකිලගේ ගෝලයෝ මිහින්තලේ පුරාවිද්‍යා රක්ෂිතයේ වැඩ

colombotoday

ඇමෙරිකානු බැංකුවක් ශ්‍රී ලංකාවට එරෙහිව නඩු මගට

colombotoday

13 ක්‍රියාත්මක කර අවසන්… අනුර දිගටම ජනාධිපති හීනයේ ඉන්න – ඇමති ප්‍රසන්න රණතුංග කියයි

Admin

නිරෝධායන නීති කැඩූ තවත් 253කට වැඩ වරදී

colombotoday

සිංහරාජ ලෝක උරුමය විනාශයි… මහ වනය එළිකර විදුලි බලාගාරයක් හදයි

colombotoday