ඉස්ලාම් ත්‍රස්තවාදී ප්‍රහාර මාලාව නිසා මතුව ඇති ආරක්ෂක තත්ත්වය සැලකිල්ලට ගෙන අවසන් ගැටුමේ දී මියගිය ජනතාව සැමරීම සඳහා තිරිකුණාමලේ සිට වෙල්ලමුල්ලිවයික්කාල් දක්වා සැලසුම් කර තිබූ පාගමන අත්හිටුවීමට කටයුතු කළ බව උතුරු පළාත් සභවේ හිටපු මන්ත්‍රී එම්.කේ. ශිවාජිලිංගම් පවසයි..
උතුරු පළාතේ සිටින සියලුම හමුදා සෙබළු ඉවත් කළ යුතු යැයි තමා නොකී බවත් ඒකීය රටක් තුළ ජනතාවගේ ආරක්ෂාව සඳහා ආරක්ෂක හමුදා උතුරේ සිටිය යුතු බවත් ඔහු පවසයි.
රටේ ජනතාවගේ ආරක්ෂාව තහවුරු කිරීම සඳහා තර්ජනයට ලක්ව ඇති ස්ථානවලට හමුදා ආරක්ෂාව ලබා දිය යුතු බවත් හෙතෙම වැඩි දුරටත් ප්‍රකාශ කළේය.
මන්ත්‍රීවරයා මෙවරද ජිනීවා ගොස් ශ්‍රීි ලංකා හමුදාවට එරෙහිව යුද අපරාධ චෝදනා නැඟීමට සහ උතුරෙන් හමුදාව ඉවත් කිරීමට බලපෑම් කරන ලෙස ඉල්ලා සිටි අයෙකි. එහිදී විදෙස්ගත ශ්‍රී ලාංකිකයන් සමග උණුසුම් විවාදයක ද පැටළුණේ ශිවාජිලිංගම්ය.