පිරිසක් විසින් තමාව පැහැරගෙන ගොස් බලෙන් ඉල්ලා අස්වීමේ ලිපියකට අත්සන් ලබාගත් බව උතුරු පළාත් සභාවේ විපක්ෂ මන්ත්‍රී ශිවක්කෝලූන්තු අකිලදාස් (සන්ධාන) මන්ත්‍රීවරයා කියා සිටී.
මන්ත්‍රීවරයා පැවැසුවේ පසුගිය 16 වැනිදා රාත්‍රියේ නිවසේ සිටියදී කිසියම් කණ්ඩායමක් බලෙන් රැගෙන ගොස් තමන්ට තර්ජනය කොට ඉල්ලා අස්වීමේ ලිපියකට බලෙන් අත්සන් ලබාගත් බවයි.
එසේම පැහැරගත් කණ්ඩාමේ යාපනය දිස්ත්‍රික් පාර්ලිමේන්තු මන්ත්‍රීවරුන්ට සම්බන්ධ පිරිසක් සිටින බවද ඔහු හෙළිකර තිබේ.
මන්ත්‍රීවරයා සිද්ධියට එරෙහිව නෙල්ලඩි පොලීසියට පැමිණිල්ලක්ද කර ඇත.