Allied Democratic Forces (ADF) නමැති ඉස්ලාමීය රාජ්‍ය (ISIS) ත්‍රස්තවාදීන් විසින් ඊසානදිග කොංගෝ හී ගම්මාන දෙකකට එල්ල කල ප්‍රහාරවලින් අවම වශයෙන් සිවිල් වැසියන් 20 දෙනෙකු මිය ගිය බව එරට හමුදාව උපුටා දක්වමින් රොයිටර් පුවත් සේවය වාර්තා කර ඇත.
ඉස්ලාමීය රාජ්‍ය (ISIS) ත්‍රස්ත කණ්ඩායම සමඟ සම්බන්ධතාවයක් ඇති බව පවසන මිත්‍ර ප්‍රජාතන්ත්‍රවාදී බලකායේ (Allied Democratic Forces – ADF) ත්‍රස්තවාදීන් පසුගිය ඉරිදා ඉටුරි පළාතේ වුකාකා ගම්මානයට පහර දුන් බව කොංගෝ හමුදාව පවසයි.
සෙනසුරාදා අසල්වැසි උතුරු කිවු හි බියන්ගෝලෝ ගම්මානයට එල්ල වූ ප්‍රහාරයකින් තවත් පුද්ගලයින් 10 දෙනෙකු මිය ගිය බව එම පළාතේ හමුදා ප්‍රකාශක ඇන්ටනි මවාලුෂායි පැවසූ බව රොයිටර් පුවත් සේවය වාර්තා කර ඇත.