මහනුවර ඇසළ පෙරහැර මංගල්‍යයේ ප්‍රථම කුඹල් පෙරහැර ශ්‍රී දළදා මාලිගාව අභියසින් දකුණු දිශාභිමුඛව පිටත්වීම ඊයේ රාත්‍රියේ ඇරඹුණි.
පෙරහැර දළදා විදිය, ඩි.එස්. සේනානායක විදිය ඔස්සේ පන්සල පාරේ ඉහළට පැමිණ දේව වීදිය, කොළඹ විදිය, යටිනුවර විදිය, සේනානායක විදිය ඔස්සේ ගම්න්ගත් බව මහනුවර ශ්‍රී දළදා මාලිගාවේ දියවඩන නිළමේ ප්‍රදීප් නිලංග දෑල මහතා පවසයි.
ජනතා සහභාගිත්වයෙන් තොරව මෙම ඇසළ පෙරහැර මංගල්‍ය පැවැත්වීමට සිදුව ඇති මුත් පෙර පැවති පරිදිම සියලු අංග ඇතුලත්ව පෙරහැර පැවැත්වුණු බව ඒ මහතා සදහන් කර සිටියි.
සතර මහ දේවාලයන්හි සුභ නැකතට කප් සිටුවීමෙන් මහනුවර ඇසළ පෙරහැර මංගල්‍යය පසු ගිය 21 වනදා ආරම්භ විය.
දේවාල අභ්‍යන්තර පෙරහැර 21 දින සිට 24 දින දක්වා පැවැත්විණි. කුඹල් පෙරහැර දින පහක් වවිදි සංචාරය කිරීමෙන් පසු 30 දින ප්‍රථම රන්දෝලි පෙරහැර විදි සංචාරය අරඹයි.