World

‘ඇමෙරිකානු ජනපති කවුරු වුවත් ඉරානයේ ප්‍රතිපත්තිවල වෙනසක් නැහැ’

ඇමෙරිකානු ජනාධිපතිවරණයෙන් කවුරුන් ජයග්‍රහණය කළ ද ඉරානය ඇමෙරිකාව සම්බන්ධයෙන් දක්වන ප්‍රතිපත්තියේ වෙනසක් සිදු නොවන බව ඉරානයේ උත්තරී නායක අයතොල්ලා අලි කමේනී රූපවාහිනිය ඔස්සේ පැවැසීය.

‘‘අපි මේ ප්‍රතිපත්ති තීරණ ගන්නේ හොඳින් සිතා බලා. ඇමෙරිකාව සම්බන්ධයෙන් අපි තීරණ ගන්නේ ඉතාම විපරමෙන් පුද්ගල මාරුවක් වුණා කියලා එහි වෙනසක් වෙන්නේ නැහැ’’ යැයි රූපවාහිනි ඔස්සේ රටවැසියන් අමතමින් ඉරාන උත්තරීතර නායකයා එම කරුණු සඳහන් කළේය.

නබි නායකතුමාගේ උපන්දිනය වෙනුවෙන් එලෙස රට වැසියන් අමතමින් ඉරාන උත්තරීතර නායකයා එම කරුණු කීය.

‘‘ඇමෙරිකාවේ ජනාධිපතිවරණය පැවැත්වෙනවා. බොහෝදේවල් සිදුවේවි. එහෙත් අපි ඒ ගැන උනන්දු වෙන්නේ නැහැ. අපි ප්‍රතිපත්ති ස්ථීරයි. ඒවායේ වෙනසක් නැහැ. කවුරු ජනාධිපති වුණත් ඒවායේ වෙනසක් නැහැ. ජනාධිපති කවුරු වුණත් අපි අපේ ප්‍රතිපත්ති වෙනස් කරන්නේ නැහැ’’ යැයි ඉරාන උත්තරීතර නායකයා කීය.

පසුගිය කාලයේදී ඉරානය සහ ඇමෙරිකාව අතර මතභේද උත්සන්න වූ අතර දෙරට අතර ආයුධ සන්නද්ධ යුද්ධයක් ඇතිවීමේ අවදානමක් ද නිර්මාණයග දෙරට අතර අවස්ථා දෙකකදී එවැනි තත්ත්ව ඇතිවිය.

ජනාධිපති ඩොනල්ඩ් ට්‍රම්ප්, ඇමෙරිකාව ඉරාන න්‍යෂ්ටික ගිවිසුමෙන් ඉවත් කරගත්තේ ය. ලෝක බලවතුන් සහ ඉරානය අතර 2015 දී ඉරාන න්‍යෂ්ටික ගිවිසුමට අත්සන් තැබිණි. එම සමයේදී ඇමෙරිකාවේ ජනාධිපති ධුරය හෙබවූයේ බැරැක් ඔබාමාය.

Related posts

ඉස්ලාම් අන්තවාදීන් ‘නිර් ආගමික‘ මහාචාර්යවරයෙක් කපා කොටා ඝාතනය කරයි

colombotoday

තලෙයිබාන් ආක්‍රමණය හමුවේ ඇෆ්ගනිස්තාන වැසියන් රටින් පළා යයි

colombotoday

තෙරේසා මේට එරෙහිව විශ්වාසභංගයක්

colombotoday

ඇෆ්ගන් ෂියා ආගමික මධ්‍යස්ථානයකට මරාගෙන මැරෙන ප්‍රහාරයක්.. 40ක් මරුට !

colombotoday

ජූලි සිට ප්‍රංශයේ හලාල් තහනම්

colombotoday

ජපානයේ ටෝකියෝ අගනුවර භූ කම්පනයක්

Admin