එක්සත් ජාතීන්ගේ සංවිධානය ඉදිරියේ රට පාවාදුන් අයට කොටි ත්‍රස්තවාදීන් නිදහස් කර මහින්ද – ගෝඨා වුවද මරාදැමීමට හැකි බව පූජ්‍ය බෙංගමුවේ නාලක හිමියන් පවසනවා.
පුනරුත්ථාපනය කිරීමට නොහැකිව සිටින කොටි ත්‍රස්තවාදීන් පවා ඇප මත නිදහස් කර ඇති බවයි ජාතික සංවිධාන එකමුතුවේ මාධ්‍ය හමුවට එක්වෙමින් උන්වහන්සේ සඳහන් කළේ.
මොනිස් නමැත්තා එවැනි ප්‍රබල ගනයේ කොටි ත්‍රස්තවාදියකු බව සඳහන්.
එම මාධ්‍ය හමුවට එක්වූ ආචාර්ය ගුණදාස අමරසේකර මහතා පැවසුවේ තහනම් කර තිබූ ත්‍රස්තවාදී සංවිධාන කිහිපයකම තහනම ඉවත් කිරීමට ආණ්ඩුව කටයුතු කර ඇති බවයි.තහනම ඉවත් කිරීමෙන් පසු ගෝලීය දෙමළ සංසදය නමැති සංවිධානයක් පසුගියදා විරෝධතාවක් පවත්වා ඇති බව ඒ මහතා පැවසුවා.
ඉතිරි සංවිධානවල තහනමද මේ අයුරින්ම ඉවත්වනු ඇති බව සඳහන්.ඇප මත නිදහස් කළ සැකකරුවන් අතර, කොළඹ බෝම්බ පුපුරුවා හැරීම් සැලසුම් කළ දෙදෙනකු සිටින බවද අමරසේකර මහතා සඳහන් කළා.