බෞද්ධාගමට මුල් තැන දී අනෙක් ආගම් වලට සම තැන් දී කටයුතු කිරීම යෝජිත නව ව්‍යවස්ථාවේ ප්‍රමුඛ ලක්ෂණය වන්නේ යැයි විදුලි බල, බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පවසයි.
ඊයේ (14) පෙරවරුවේ පැවති උත්සව අවස්ථාවකට සහභාගි වෙමින් ඔහු මේ බව පැවැසීය.
“අපිට අවශ්‍ය වන්නේ සිංහල, දෙමල, මුස්ලිම්, බර්ගර්, මැලේ යන සෑම ජන කොට්ඨාශයකටම මගේ රට කියලා කියන්න පුළුවන් ආකාරයේ රටක් හදන්න. ඒ සඳහා තමයි අපි නව ව්‍යවස්තා කෙටුම්පතක් ඉදිරිපත් කළේ.අපි බෞද්ධ රටක්.
ඒ නිසා බෞද්ධාගමට මුල් තැන දීලා, අනෙක් සියළුම ආගම් වලට සම තැන් දීලා කටයුතු කිරීම තමයි අපේ අළුත් ව්‍යවස්ථාවේ තිබෙන ප්‍රමුඛ ලක්ෂණය. ඒක තුළින් අපි හිතනවා මෙතෙක් රට තුළ ඇතිවී තිබෙන අසමගිතාවය තුරන් කරන්න හැකි වෙයි කියලා. අද ඒ ගමන තමයි අපි යන්න අවශ්‍ය වන්නේ”