අමෙරිකා එක්සත් ජනපදය හරහා හමා යමින් පවතින ලෝරා සුළි කුණාටුව 04 වන කාණ්ඩයේ සුළි කුණාටුවක් දක්වා වර්ධනය වී ඇති බව එරට ජාතික සුළි කුණාටු මධ්යස්ථානය පවසයි. ඔවුන් එම සුළි කුණාටුව හඳුන්වා ඇත්තේ විනාශකාරී මට්ටමේ සුළි කුණාටුවක් ලෙසයි.
ලෝරා සුළි කුණාටුව පැයට කිලෝ මීටර් 233 ක වේගයකින් ටෙක්සාස් සහ ලූසියානා ප්රාන්ත හරහා හමා යනු ඇති බවට අපේක්ෂා කෙරේ.
ඒ හේතුවෙන් ටෙක්සාස් ප්රාන්තයේ පදිංචිකරුවන් හාරලක්ෂ 20,000 කට සහ ලූසියානා ප්රාන්තයේ පදිංචිකරුවන් ලක්ෂ 02 කට අනිවාර්යයෙන් සහ කඩිනමින් ඉවත් වන ලෙසයි ප්රාන්ත බලධාරීන් දැනුම් දී ඇත්තේ.
නව්ය කොරෝනා වෛරස ව්යාප්තියෙන් ආරක්ෂා වීම සඳහා එම පුද්ගලයින් එකිනෙකා අතර දුරස්ථභාවය රඳවාගනිමින් බස් රථවලින් තාවකාලික රැඳවුම් මධ්යස්ථාන වෙත ප්රවාහනය කිරීමට බලධාරීන් පියවර ගෙන තිබෙනවා.
සුළි කුණාටුව හේතුවෙන් කැරිබියන් දූපත්වල නිවාස රැසක් විනාශ වී ඇති අතර මියගොස් ඇති පුද්ගලයින් ගණන 24 ක් දක්වා ඉහළගොස් ඇති බව විදෙස් වාර්තා කරයි.