පාස්කු ඉරිදා (21) ලංකාවේ ස්ථාන කිහිපයක සිදුවූ මරාගෙන මැරෙන ප්රහාරයන් දැඩි පිළිකුලෙන් යුතු හෙලා දකින බවත් ඉස්ලාමිය ධර්මයට පටහැනි එවැනි ත්රස්ත ක්රියා තම පක්ෂය මුළුමනින්ම ප්රතික්ෂේප කරන බවත්, මෙවැනි ම්ලේච්ජ ක්රියා පරාජය කිරීමට තම පක්ෂය පුර්ණ සහය ලබාදෙන බවත් සමස්ත ලංකා මහජන කොන්ග්රසයේ නායක, අමාත්ය රිෂාඩ් බද්දුර්දින් මහතා පවසයි.
එම ත්රස්ත ප්රහාරයෙන් පසු සහජීවනය අගයන ශ්රී ලාංකීය මුස්ලිම් ජනතාව බලවත්සේ කනස්සල්ලට පත්ව සිටින බව පැවසු ඇමතිවරයා, ”අද හැම මුස්ලිම් නිවසක්ම මල ගෙයක් වගේ වෙලා..එතරම් වේදනාවක් ” යයි කියා සිටියේය.
මෙම ඝාතන වලට සම්බන්ධ සියලු දෙනාට උපරිම දඬුවම් ලබාදිය යුතු බවද එහිදී අවධාරණය කර සිටි ඇමතිවරයා,
”සියදිවි හානිකර ගැනීම මුස්ලිම්වරුන්ට පාපක්රියාවක්. අපේ ආගමේ මේවගේ පාපකාරී දේවල්වලට කිසිම් ඉඩක් නැහැ ..” යයි කියා සිටියේය.
නිව්ස් ටියුබ්